What is difference between credit score, cibil score and cibil report : नमस्कार मित्रांनो, तुम्ही क्रेडिट कार्ड किंवा बँकेकडून कर्ज घेतलं असेल, किंवाच तुमच्या येणाऱ्या भविष्यात घेण्याचा विचार करत असाल तर त्याबाबत छोट्यातली छोटी बाब माहिती असणं आवश्यक आहे. क्रेडिट कार्ड वापरण्याऱ्यांचा क्रेडिट रिपोर्ट तयार होतो. त्यामुळे क्रेडिट कार्ड (Credit Card) वापरणाऱ्यांना टर्म्स अँड कंडिशन माहिती असणं आवश्यक आहे.
क्रेडिट स्कोअर (Credit Score), सिबिल स्कोअर (CIBIL Score) आणि सिबिल रिपोर्ट (CIBIL Report) हे तीन शब्द वाचायला जरी एकसारखे वाटत असले तरी त्याचा त्या प्रत्येकाचा अर्थ वेगळा आहे. तुम्हीही या शब्दांबाबत कन्फ्यूज असाल तर या तिघांमधील फरक समजून घ्या. यामुळे तुम्हाला भविष्यात कोणतीही अडचण येणार नाही. सिबिल स्कोअर मागच्या 24 महिन्यावर व्यवहारांवर कॅलक्युलेट केला जातो. तर सिबिल रिपोर्ट 36 महिन्याच्या हिस्ट्रीवर आधारित असतो.
Credit Score म्हणजे काय?
क्रेडिट स्कोअरवरून एखाद्या व्यक्तीची कर्जाची परतफेड करण्याची क्षमता कळते. तुम्ही तुमचं आर्थिक गणित व्यवस्थित ठेवून कर्ज कसं फेडता यावरून क्रेडिट स्कोअर ठरतो. क्रेडिट हिस्ट्री आणि रेकॉर्डद्वारे हे निश्चित केलं जातं. तुमचा क्रेडिट स्कोअर चांगला असेल तर याचा अर्थ असा होतो की, तुम्ही दिलेले कर्ज वेळेत फेडता. क्रेडिट स्कोअर आणि CIBIL स्कोअरमध्ये फक्त हा एकच फरक आहे.
CIBIL Score म्हणजे काय?
क्रेडिट इन्फोर्मेशन ब्युरो इंडिया लिमिटेड (CIBIL) क्रेडिट स्कोअर देणारी संस्था आहे. ही प्रतिष्ठित क्रेडिट इन्फोर्मेशन कंपनी असून सिबिल स्कोअर संपूर्ण देशात ग्राह्य धरला जातो. सिबिल स्कोअर तीन डिजिटमध्ये असतो. यावरून क्रेडिट हिस्ट्री, रिपोर्ट आणि रेटिंग निश्चित केली जाते. 300 ते 900 गुणादरम्यान सिबिल स्कोअर ठरवला जातो. जितके अधिक गुण तितका आपल्याला फायदा होतो.
CIBIL Report म्हणजे काय?
सिबिल रिपोर्ट एक प्रकारे क्रेडिट रेकॉर्ड आणि क्रेडिट हिस्ट्रीचा पूर्ण लेखाजोखा ठवेतं. यामध्ये आउटस्टँडिंग लोन पेमेंट, लोन अमाउंट बाबत माहिती दिलेली असते. या रिपोर्टमध्ये नाव, पॅनकार्ड, पत्ता यासारखी पर्सनल माहितीही असू शकते.
Credit Score vs CIBIL Score vs CIBIL Report
क्रेडिट स्कोअर तुमच्या कर्जाची परतफेड करण्याची क्षमता दाखवते. सिबिल स्कोरमध्ये तुम्हाला रेटिंग दिलं जाते. त्यामुळे कर्ज घेताना मदत होते. तर सिबिल रिपोर्टमध्ये क्रेडिट हिस्ट्रीचा पूर्ण लेखाजोखा असतो. मित्रांनो, कोणतीही बँक ग्राहकाला कर्ज देताना या सर्व गोष्टी विचारात घेऊन कर्ज प्रदान करत आहे. जर तुम्ही एखादं कर्ज घेतलं असेल किंवा क्रेडिट कार्डचा वापर केला असेल तर त्याचा हफ्ता वेळेवर भरा. वेळेवर हफ्ता भरल्यास तुमचा सिबिल स्कोअर सुधारण्यास मदत होते. चांगला क्रेडिट स्कोअर मिळवण्यासाठी तुमचा क्रेडिट वापर हा एकूण उत्पन्नाच्या ३० टक्के इतक्यांपर्यंतच असावा.
सिबिल स्कोअर सुधारण्यासाठी काही टिप्स
- आपल्या सिबिल स्कोअरचे परीक्षण करा: सिबिल स्कोअर हा चांगला असल्यास तुम्हाला आवश्यक असलेले कर्ज मंजुर होण्यास मदत होते. सिबिल स्कोअर हा तुमच्या क्रेडिट स्थितीबद्दल माहिती दर्शवतो. तुम्हाला आपल्या सिबिल स्कोअरे परीक्षण करु इच्छित असल्यास तुम्ही तो तपासून घेऊ शकता.
- आपल्या क्रेडिट स्कोअरचे पुनरावलोकन करा: आपल्या क्रेडिट अहवालात त्रुटी मुक्त राहण्यासाठी नियमित स्कोअरचे परीक्षण केले पाहिजे. जर आपल्याला रिपोर्टमध्ये काही चूक आढळली तर त्याचे पुनरावलोकन वेळेत दुरुस्त करावे.
- मर्यादित वापर: आपल्या क्रेडिट मर्यादेपेक्षा जास्त खर्च करु नये आणि त्याची खात्री करुन घ्यावी. जर तुम्हाला सिबिल स्कोअर ७५० पर्यंत ठेवायचा असेल तर आपल्या क्रेडिट कार्ड मर्यादेच्या ५० टक्क्यांहून अधिक खर्च करणे टाळा.
- वेळेवर देयके: चांगला सिबिल स्कोअर ठेवण्यासाठी वेळेवर कर्जाचे किंवा क्रेडिट कार्डचे हफ्ते भरा. उशीरा पेमेंट टाळा. अन्यथा त्याचा परिणाम तुमच्या सिबिल स्कोअरवर होतो.
