Land map : शेतात जाण्यासाठी नवा रस्ता काढायचा असेल किंवा जमिनीच्या हद्दी जाणून घ्यायची असतील तर शेतकऱ्याकडे त्याच्या जमिनीचा नकाशा असणं आवश्यक असतं.
Land update : आता सरकारनं सातबारा आणि आठ-अ उताऱ्यासोबत जमिनीचा नकाशा ऑनलाईन उपलब्ध करून देण्यास सुरुवात केली आहे.आता आपण गावाचा आणि land record 2022 शेतजमिनीचा नकाशा कसा काढायचा, तो वाचायचा कसा आणि सरकारचा ई-नकाशा हा प्रकल्प काय आहे, याची सविस्तर माहिती पाहणार आहोत.
जमिनीचा नकाशा कसा पाहायचा ?
- जमिनीचा नकाशा ऑनलाईन काढण्यासाठी सगळ्यात अगोदर तुम्हाला गुगलवर mahabhunakasha.mahabhumi.gov.in असं सर्च करायचं आहे. किंवाच वरील Link वर क्लिक करा.
टीप : वरील निळ्या रंगाच्या लिंकवर क्लिक केल्यानंतर ही वेबसाईट लोड होण्यास वेळ लागतो , व नेटवर्क देखील चांगले लागते त्यामुळे एकदा वेबसाईट पूर्णपणे लोड झाली नाही तर पुन्हा काही वेळानंतर प्रयत्न करावा , कारण शेत जमिनीचा ऑनलाईन नकाशा पाहण्यासाठी ही शासनाची अधिकृत वेबसाईट / संकेतस्थळ आहे , आत्ता खाली वाचा
- त्यानंतर तुमच्यासमोर खाली दिल्या प्रमाणे एक नवीन पेज तुमच्यासमोर ओपन होईल.
ह्या योजना वाचल्या का ? :- ग्रामपंचायत विभाग योजनांची यादी 2022 | Maharashtra Gram Panchayat Yojana List | पहा कोणत्या विभागांतर्गत कोणकोणत्या योजना..,
- आता सुरुवातीला गावाचा नकाशा कसा काढायचा याची माहिती पाहूया.
- या पेजवर डाव्या बाजूला तुम्हाला Location किंवाच 3 रेषा तेथे क्लिक केल्यानंतर वरील माहिती भरण्यासाठीचा हा रकाना दिसेल.
- या रकान्यात तुम्हाला तुमचं राज्य, कॅटेगरी मध्ये रुरल आणि अर्बन असे दोन पर्याय दिसतील.
- जर तुम्ही ग्रामीण भागात असाल, तर रुरल हा पर्याय निवडायचा आहे आणि शहरी भागात असाल, तर अर्बन हा पर्याय निवडायचा आहे.
- त्यानंतर तुमचा जिल्हा, तालुका आणि गाव निवडायचं आहे आणि सगळ्यात शेवटी village map यावर क्लिक करायचं आहे.
- त्यानंतर तुमची शेतजमीन ज्या गावात येते, त्या गावाचा नकाशा स्क्रीनवर ओपन होतो.
- होम या पर्यायासमोरील आडव्या बाणावर क्लिक करून तुम्ही हा तुमच्या शेत जमिनीचा नकाशा फुल स्क्रीनमध्ये पाहू शकता.
- व PDF स्वरूपात डाउनलोड देखील करू शकता.
- त्यानंतर डावीकडील + किंवा – या बटणावर क्लिक करून हा नकाशा मोठ्या किंवा छोट्या आकारातही पाहता येतो म्हणजेच झूम इन किंवा झूम आऊट करता येतो.पुढे डावीकडे ज्या तीन एका खाली एक आडव्या रेषा दिसत आहेत, त्यावर क्लिक केल्यास तुम्हाला पहिल्या पेजवर वापस जायचं आहे.
- आता जमिनीचा नकाशा कशा PDF स्वरूपात काढायचा ते पाहूया : या पेजवर search by plot number या नावानं एक रकाना दिलेला आहे.
- इथं तुम्हाला तुमच्या सातबारा उताऱ्यावरील गट क्रमांक टाकायचा आहे.
- त्यानंतर मग तुमच्या जमिनीचा गट नकाशा ओपन होतो.
- होम या पर्यायासमोरील आडव्या बाणावर क्लिक करून आणि मग वजाबाकीचं (-) बटण दाबून तुम्ही पूर्ण नकाशा पाहू शकता.
- आता डावीकडे plot info या रकान्याखाली तुम्ही नमूद केलेल्या गट नकाशातील शेतजमीन कुणाच्या नावावर आहे, त्या शेतकऱ्याचं नाव आणि त्याच्या नावावर किती जमीन आहे, याची सविस्तर माहिती दिलेली असते.
- एका गट क्रमांकात ज्या ज्या शेतकऱ्याची जमीन आहे, त्याची सविस्तर माहिती इथं दिलेली असते.
- ही माहिती पाहून झाली की डाव्या बाजूला सगळ्यात शेवटी map report नावाचा पर्याय असतो.
- यावर क्लिक केलं की, तुमच्या जमिनीचा plot report तुमच्यासमोर ओपन होतो.
- त्यावरच्या उजवीकडील खाली दिशा असलेल्या (downward arrow) बाणावर क्लिक केलं तो तुम्ही डाऊनलोड करू शकता.
- त्याखाली तुमच्या गटाला लागून असलेल्या शेतजमिनीचे गट क्रमांक दिलेले असतात.
- जसं की इथं 337 या गटाशेजारी 329, 338, 340,341,346,336 हे गट क्रमांक नमूद केलेले दिसतात.
- आणि मग खालच्या भागात या गट नकाशात कोणत्या शेतकऱ्याच्या नावावर किती जमीन आहे, याची सविस्तर माहिती दिलेली असते.
